Racyja

Еўропа шукае кантактаў з афіцыйным Мінскам і спадзяецца на далейшы ўдзел Беларусі ў праграме Усходняга партнёрства. Беларускую сталіцу наведаў амбасадар па асаблівых даручэннях Міністэрства замежных спраў Чэхіі.

Цягам дня Петэр Марэш правёў сустрэчы ў МЗС Беларусі, Міністэрствах культуры і адукацыі, Акадэміі навук, а таксама Беларускім дзяржаўным універсітэце. Ва ўсіх гэтых установах, па словах дыпламата, ішла гаворка пра магчымасць далейшага супрацоўніцтва, не гледзячы на існуючыя рознагалоссі паміж Мінскам і Брусэлем.

- Адносіны паміж Беларуссю і Еўропай знаходзяцца ў тупіковым стане. Мы не рухаемся наперад, але шукаем выйсце з гэтага становішча. Дыпламатыя імкнецца развіваць тыя адносіны, якія небеспадстаўна звязаны з той высокай палітыкай. Магчыма супрацоўніцтва ў галіне навукі, культуры, адукацыі. Перш за ўсё супрацоўніцтва паміж ВНУ краінаў ЕС і Беларусі.

Па словах Петэра Марэша, размова пра палітычных вязняў падчас сустрэчы ў Міністэрстве замежных спраў Беларусі не вялася.

Нягледзячы на гэта чэшскі дыпламат выказаў перакананне, што без вызвалення несправядліва асуджаных беларускіх палітыкаў супрацоўніцтва паміж Беларуссю і Еўропай на высокім узроўні па-ранейшаму будзе немагчымым.

Радыё Рацыя, Мінск. 

Фота news.open.by