Racyja

“Сесія незалежнасці” - так называецца новае выданне Зянона Пазняка, прызентаванае ў Варшаве. У кнізе пададзены дакументы, аналізы, вельмі цікавая інфармацыя звязаныя з падзеямі 1991 года, калі Беларусь набыла Незалежнасць.

Як парламенцская меншасць – апазіцыя Беларускага Народнага Фронта – здолела дамагчыся незалежнасці? Кніга адказвае на гэтае пытанне, ды мае найперш цікавасць для сучаснікаў. Кажа аўтар Зянон Пазняк:

- Для нашай гісторыі гэта важна. І важна для сучаснасці, паколькі ўсе мы сучаснікі. Хоць гэта было нядаўна, але палітыку, якую зараз праводзіць рэжым на Беларусі, заключаецца ў тым, каб усё гэта выцерці з памяці людзей – нашую незалежнасць, нашую барацьбу. Таму такія кнігі патрэбныя, каб гэта заставалася гістарычным фактам, каб людзі гэта зналі.

Сустрэча ў Варшаве прымеркавана да 20-х угодкаў аднаўлення незалежнасці Беларусі. Як мы ўсе ведаем, 25 жніўня 1991 года Вярхоўны Савет надаў дэкларацыі аб незалежнасці статус канстытуцыйнага акту – казаў арганізатар сустрэчы, старшыня «Беларускай нацыянальнай памяці» Анатоль МІхнавец.

Улад Грынеўскі, Радыё Рацыя. Фота аўтара.