Racyja

Традыцыйныя беларускія песні ў выкананні дуэта "Зараніца" прагучалі ў Доме культуры ў Крынках.

Гэта новы музычны праект “Надзея – музычны фальклор вёскі Пірожкі”.

Як кажа ўдзельніца дуэта Яанна Чабан, на кружэлку трапілі песні, характэрныя для ўсёй Сакольшчыны:

- Гэтыя песні прывозілі з бежанства за часамі Расійскай імперыі, пад Польшчай вучылі польскія песні, пасля былі саветы, якія вучылі савецкім песням. Я маю кніжачкі з запісамі старэйшых людзей, дзе ёсць нават нямецкія песні, якія вучылі падчас другой сусветнай вайны. Гістарычныя падзеі ўплывалі на рэпертуар, з гэтага складаецца спецыфічная культура гэтага рэгіёна.

Дуэт “Зараніца” - гэта Яанна Чабан і Алена Пухальская, якія збіраюць і апрацоўваюць песні ваколіц Крынак ды паўночнага Падляшша. Дуэт рыхтуе чарговы альбом. Гэтым разам прысвечаны польска-беларускім песням з 19-га стагоддзя з вёскі Гарчакі каля Саколкі.

Лукаш Леанюк, Радыё Рацыя.

Фота ewazwierzynska.pl