Racyja

„Назіранне за выбарамі – тэорыя і практыка” – гэта праект, у рамках якога беларуска-шведска-літоўская група назірала за першым турам выбараў у Польшчы.

Група з 31 назіральніка наведала звыш 170 выбарчых участкаў. У сядзібе нашага радыё прайшла прэс-канферэнцыя, у час якой члены дэлегацыі прадставілі свае назіранні ды заўвагі.

Па словах каардынатаркі праекту Анастасіі Матчанка, выбары ў Польшчы прайшлі паводле агульна прынятых дэмакратычных правілаў.

- Амаль на ўсіх выбарчых участках прысутнічала прынамсі 3 чальцы камісіі, звычайна дружалюбныя і адкрытыя для пытанняў. Таксама мы вітаем тое, што на ўчастках не прадаюцца алкагольныя напоі па зніжаных коштах. З прыемнасцю таксама адзначылі, што ў Польшчы не існуе практыкі датэрміновага галасавання, якая шырока распаўсюджана ў Беларусі.

Аднак на выбарчых участках назіральнікі заўважылі парушэнні дэмакратычных стандартаў - між іншымі ў тым, што кабіны для галасавання былі адкрытыя і можна было бачыць, на каго аддаецца голас.

Сярод партнёрам гэтага праекту з'яўляецца і Беларускае Радыё Рацыя.

Міхась Сцепанюк, Радыё Рацыя.