Racyja

Нямецкія бізнесоўцы падзяліліся вопытам з беларускімі на семінары ў Мінску, прысвечаным тэме арганізацыі і вядзення дзейнасці грамадскіх аб’днанняў прадпрымальнікаў.

Пра гэта паведаміў рэгіянальны каардынатар праграмы падтрымкі Беларусі з боку ўрада Нямеччыны, сябра гродзенскага Клуба прадпрымальнікаў Франц Мамуль.

Беларускія бізносоўцы шукалі ў нямецкай дэлегацыі адказы на вырашэнне сваіх галоўных праблем:

– Праблемы як заўсёды – на Гродзеншчыне і ў Беларусі ў цэлым. Гэта тое, што нашы грамадскія аб’яднанні фінансава вельмі няўстойлівыя, бізнесоўцы не вельмі актыўна ўдзельнічаюць у гэтых аб’яднаннях, яны невялікія па колькасці, а членскія ўзносы нерэгулярна ўплачваюцца. У Нямеччыне вельмі проста – там заканадаўча ўсталявана неабходнасць удзельнічаць любому бізнесоўцу ў адным з аб’яднанняў з яснымі ўзносамі.

Па словах Франца Мумуля, у гродзенскі Клуб прадпрымальнікаў уваходзіць фармальна 350 бізнесоўцаў, але актыўную пазіцыю ў вырашэнні агульных праблем займаюць менш ста чалавек. Яны і прымуць удзел у чарговым пасяджэнні з удзелам нямецкіх дзелавых колаў у Гродне. На гэтай сустрэчы, між іншым, будзе абмеркавана праблема дробнага бізнесу, якому вельмі цяжка знайсці сваю нішу з-за павальнага манапалізму дзяржаўных прадпрыемстваў.

Антон Разумоўскі, Радыё Рацыя