Racyja

Абласная бібліятэка імя Максіма Горкага ў Брэсце прэзентавала выставу, прымеркаваную да Дня горада. На выставе магчыма азнаёміцца з матэрыяламі і працамі вядомых наукоўцаў, выхадцаў з Брэстчыны.

У экспазіцыі прадстаўлена літаратура пра беларускіх навукоўцаў і даследчыках, якія праславілі рэспубліку сваімі працамі і адкрыццямі, а таксама пра новыя дасягненні ў навуцы і тэхніцы, распавядае Наталля Басунец, арганізатар:

- З гэтай выставы наведвальнікі могуць даведацца аб вядомых навукоўцах Беларусі, выхадцаў з Брэстчыны. Магчыма даведацца пра новыя дасягненні ў айчыннай навуцы. Цікавасць выклікае кніга з серыі "Людзі беларускай навукі". Цікавасць у тым, што ў ёй змешчаны ўспаміны сучаснікаў.

Выстава папрацуе да канца ліпеня. Адміністрацыя бібліятэкі зазначае, што матэрыял, прадстаўлены на выставе, дае канкрэтную інфармацыю па сучаснай беларускай навуцы.

Радыё Рацыя