Racyja

Шэраговых беларускіх грамадзян моцна абурыў новы пражытачны мінімум у сярэднім па 706 тысяч на чалавека ў месяц.

Як сказала адна з гаспадынь, у яе на сям’ю з 6 чалавек ідзе толькі на малако, хлеб і масла ў тыдзень 210 тысяч, гэта не ўлічваючы мяса, садавіны, гародніны і ўсяго астатняга, што трэба кожнаму чалавеку для жыцця.

- Канешне ж немагчыма пражыць за гэты пражытачны мінімум. Гэта вельмі смешная сума.

- Мала. На нармальнае харчаванне, на некаторыя лекі пры неабходнасці ніяк не хапае, тым больш пры цяперашніх цэнах. А гэта яшчэ плюс камунальныя паслугі. За аднапакаёвую кватэру выходзіць больш за 100 тысяч рублёў зімой, а плюс святло, газ, тэлефон, дамафон. Няхай тыя, хто плануюць, паспрабуюць самі пражыць на гэтую суму за месяц.

- Тое, што ў нас творыцца ў дзяржаве, гэта генацыд - вызваленне тэрыторыі ад насельніцтва, каб засяліць кагосьці іншага, напрыклад, кітайцаў.

- У каго ёсць агуркі салёныя, розныя закаткі, то можна пражыць. А калі купіць каўбасы ды за кватэру заплаціць, то не.

Улада падняла пражытачны мінімум на 23 %. Але людзі, як бачым, далёкія ад захаплення ад такой турботы з боку дзяржавы.

Ганна Васілевіч, Радыё Рацыя. 

Фота finobzor.com.ua