Racyja

У Раўбічах адбыўся шосты фестываль “Амбасовішча”, які ладзіць амбасада Злучаных Штатаў Амерыкі ў Беларусі.

Удзел у фэсце ўзялі пераможцы мінулых гадоў і цікавыя новыя праекты – “Кальмары”, “Хуткі Смоўж”, “Далі”, “У нескладовае”, “Босае сонца” і “Нака”, а ў якасці гасцей выступіла група з Амерыкі The Bishops.

Прадстаўнікі амерыканскай амбасады заявілі, што “Амбасовішча” прайшло ў апошні раз – гэта звязана з адмовай амбасады ад рэзідэнцыі, бо ўжо больш за два гады ў Беларусі няма амерыканскага пасла. Але ўдзельнікі фестывалю спадзяюцца, што фэст працягнецца. Кажа музыкант Піт Паўлаў:

- Я спадзяюся, што гэта не апошняе “Амбасовішча”, таму што рэзідэнцыя будзе перанесена ў іншае месца. У Злучаных Штатаў грошы ёсць. Калі не будзе грошай, то мы дапаможам сваімі. Нам галоўнае месца. Таму я спадзяюся, што зараз проста маніфестуецца, што гэта апошняе “Амбасовішча”.

Сёлета было вырашана не вызначаць пераможцу фестываля “Амбасовішча”. Усяго ад 2005 года на гэтым фэсце, што праводзіцца ў Раўбічах, выступіла ля 60 камандаў.

Радыё Рацыя. Фота БелаПАН