Racyja

Брэсцкія рэалізатары латарэй звярнуліся да мінскага кіраўніцтва. Мэтаю звароту стала высвятленне канфліктнай сітуацыі аднасна здарэння з забастоўкаю 31 студзеня.

На сайце praca.by з’явілася заява рэалізатараў Нацыянальных спартыўных латарэй адносна байкоту ў сувязі з адсутнасцю надбавак працоўным за зімовы час. Супрацоўнікі ў дзень страйку былі выкліканы на размову з кіраўніцтвам адносна якасці працы.

Брэсцкі праваабаронца Уладзімір Малей адзначыў, што працоўныя мелі права на байкот:

- Гэты зварот накіраваны на тое, каб прадставіць кіраўніку прадпрыемства рэальную абстаноўку, якая стварылася ў гэтым калектыве. Дзеянні брэсцкага кіраўніцтва, вядома, не правамерныя, таму што праваадносіны паміж распаўсюджвальнікамі і кіраўніцтвам сапраўды не рэгулююцца грамадзянска-прававым дагаворам. Грамадзяніну прадастаўляецца права і на страйк, і права невыканання патрабаванняў наймальніка, якія не адпавядаюць працоўнаму заканадаўству, грамадзянскаму кодэксу. 

У той жа час кіраўнік Брэсцкага філіяла Нацыянальных спартыўных латарэй Ала Лукіна ў мясцовых сродках масавай інфармацыі падкрэслівала, што заяваў аб невыхадзе на працу з боку распаўсюджвальнікаў латарэй брэсцкае кіраўніцтва не атрымлівала.

Байкатаванне 31 студзеня так і не адбылося пад пагрозаю звальнення з працы брэсцкіх супрацоўнікаў латарыі.

Аліса Поль, Радыё Рацыя, Брэст.