Racyja

Аляксандр Лукашэнка распарадзіўся аказаць падтрымку беларускай школе ў Рызе. Гэта адзіная навучальная установа ў Латвіі, дзе навучанне вядзецца па-беларуску і па-латышску. Як зазначае дырэктар школы Ганна Іванэ, за 15 гадоў існавання не было такой грунтоўнай дапамогі з боку беларускай дзяржавы.

Некалькі цікавых і рэдкіх кніг паступіла ў фонды Брэсцкай абласной бібліятэкі імя Максіма Горкага. Абнаўленне фонда праходзіць не ў звычайным рэжыме, а прымеркавана да юбілейнага года. Увесь 2010 год бібліятэка святкуе 70-годдзе.

З друку выйшла кніга беластоцкага гісторыка Яўгена Мірановіча "Беларусы ў Польшчы. 1918-1949 гг." Гэта дапрацаваная, папраўленая версія доктарскай дысертацыі гісторыка, якая пабачыла свет у 1993 годзе ў прэстыжным варшаўскім выдавецтве Польскай Акадэміі навук.

Апавяданні маладога мінскага празаіка Сяргея Календы надрукаваў прэстыжны маскоўскі часопіс "Дружба народов" у сваім жнівенскім восьмым нумары. Гэта першая публікацыя Сяргея ў маскоўскіх літаратурных выданнях.