Racyja

Беларусь дамовілася з Масквой на выгодныя пастаўкі нафты на 4 гады. 

Аб’ёмы павялічаны на 12%, кошт тоны нафты для Мінска будзе на 400 даляраў ніжэйшым, чым на знешнім рынку.

Кіраўнік аналітычнага цэнтра “Стратэгія” Леанід Заіка зазначае, што дамову не трэба разглядаць як нейкі рэверанс у бок Лукашэнкі. Гэта ўсё вынікае з прынцыпаў Адзінай эканамічнай прасторы – свабоднае перасоўванне тавару.

Але гледзячы на кошты паліва ў Беларусі, зразумела, што народ ад такіх зніжак нічога не атрымлівае.

- У Беларусі на нафце зарабляюць мільярды, беларускаму народу застаецца зусім няшмат. А калі ўлічыць тое, што на бензін у нас НДС, які складае ледзь не палову цаны, то ў сувязі з гэтым узнікае пытанне: што ўвогуле адбываецца? Нафта танная, па 400 даляраў ідзе за 1 тону. 

Каб атрымоўваць сапраўдны прыбытак, трэба навесці парадак у той жа сельскай гаспадарцы, якая ўвесь час датуецца з бюджэту.

Рыгор Сапяжынскі, Радыё Рацыя.

Фота belsat.eu