Racyja

Бізнес-супольнасць прапануе ўраду кардынальна рэфармаваць падатковую сістэму Беларусі, бо ва ўмовах Адзінай эканамічнай прасторы нашая краіна будзе выглядаць найгорш з пункту гледжання падатковай прывабнасці.

- Наш лозунг – 15-15-15. Гэта значыць 15% НДС супраць 20%, які мы маем сёння. Такое ж патрабаванне ставіцца ў Расіі. 15% - падатак на прыбытак. У нас сёння 18%. Такое ж патрабаванне ставіцца ў Расіі, а ў Казахстане больш ліберальна. І 15% - сацыяльны падатак. У Расіі сёння 30%, у нас 34%-35% , і плаціць толькі наёмны работнік. У нас на кожны рубель выплачанай заработнай платы нагрузка практычна 60%. У Расіі – 40%, у Казахстане – 20%. Таму ў Беларусі не выгадна плаціць заработную плату. Дзе матывацыя працы – як у бізнэса, так і наёмнага работніка.

На кожны рубель заробку ў Беларусі 60% прыходзіцца на падатковыя выплаты, у Расіі – 40%, у Казахстане – 20%. Адбываецца дэматывацыя працы, зазначае Карагін.

Рыгор Сапяжынскі, Радыё Рацыя.

Фота telegraf.by