Racyja

З такой заявай на паседжанні круглага стала ў Мінску выступіў прадстаўнік буйнога бізнесу, уладальнік малочнага завода ў Барысаве Віктар Хіневіч.

На думку Хіневіча, размаўляць з дзяржавай, якая сама ўся ў пазыках, сабе даражэй.

- На сённяшні дзень дыялог бізнесу і ўлады проста аб’ектыўна немагчымы. Ёсць асноўны прынцып бізнесу і ўвогуле жыцця - мець кантакт трэба з роўным для сябе. Ёсць у цябе мільён даляраў у кішэні – ты павінен кантактаваць з такім жа чалавекам. Таму што, калі ў яго ў кішэні нічога няма, то ў яго іншая мэта. Дык вось, сёння ў дзяржавы нічога няма – у яе ёсць 37 мільярдаў пазыкаў, тады як можна прыйсці і сказаць: давайце мы з вамі будзем кантактаваць... Гэта бязглуздзіца...

Паводле Віктара Хіневіча, штодзённа ён губляе вялікія грошы, бо цэны на продаж сваёй прадукцыі павінен узгадняць з Міністэрствам эканомікі. І калі кошт тоны малака на таргах у Маскве падае, то ён вымушаны трымаць пазначаную цану. “Тут не дыялог, тут я ў суд хутчэй падам на чыноўнікаў за вымушаныя страты свайго бізнесу”, - кажа Хіневіч.

Рыгор Сапяжынскі, Радыё Рацыя.

Фота empatika.com