Racyja

Гурты "Рэлікт" і "Б.Н." зайгралі ў Беластоку. Канцэрт прайшоў у межах праекта BeforeBasowiszcza. Імпрэза ладзіцца Беларускім аб’еднаннем студэнтаў ужо другі год.

Жыхары Беластока маглі пачуць беларускую музыку і даведацца пра сам фестываль "Басовішча". Фэстываль музыкі Маладой Беларусі пачынаецца ўжо праз месяц - 22 ліпеня.

Паводле слоў старшыні Беларускага аб’яднання студэнтаў Касі Кузьміч, імпрэза арганізуецца, каб пашырыць веды пра беларускую культуру ў Беластоку.

- На жаль, гэтыя веды сярод маладых абмежаваныя і, на жаль, абмежаваныя да таго, што Беларусь зараз для іх гэта толькі дыктатура і Лукашэнка. Робячы такое мерапрыемства ў Беластоку, хочам прыцягнуць маладых людзей, каб яны пабачылі, што беларускае можа быць таксама файным.

Сёння ў 18 гадзін у клубе "Капілювак" працяг мерапрыемства. Гаварыць будуць пра міфы і факты беларускай культуры. Запрошаны госці - вядомы мастак і паэт Міхал Анемпадыстаў і філосафы Валянцін Акудовіч і Уладзімір Мацкевіч.

Лукаш Леанюк, Радыё Рацыя, Беласток.