Racyja

Гэта прафесар беластоцкага ўніверсітэта Рэната Пшыгоцкая. Замяніла яна на гэтым месцы Тадэвуша Арлуковіча, які ў 2011 годзе стаў дэпутатам у польскі Сенат.

Новы віцэ-прэзідэнт адказваць будзе за сацыяльную дапамогу, культуру, спорт ды прасоўваннем горада. Адной з галоўных задач, якую вызначыла сабе Рэната Пшыгоцкая – гэта прасоўванне горада ў еўрапейскім маштабе. У гэтай дзейнасці яна хоча выкарыстаць патэнцыял нацыянальных меншасцяў, якія жывуць у Беластоку.

- Вялікая сіла Беластока – гэта разнастайнасць, культурная разнастайнасць, рэлігійная разнастайнасць, нацыянальная разнастайнасць. Я збіраюся менавіта абапіраючыся на гэтую разнастайнасць папулярызаваць горад. Буду старацца ствараць магчымасці выкарыстання таго, што найважнейшае і найпрыгажэйшае ў кожнай культуры, у кожнай меншасці.

Новы віцэ-прэзідэнт -- дэкан эканамічнага факультэта Універсітэта ў Беластоку. Таксама тут прафесарам з’яўляецца прэзідэнт Тадэвуш Трускаляскі. Пшыгоцкая спецыялізуецца ў грамадскіх фінансах, прамлемах развіцця вёскі ды сельскай гаспадаркі. Рэната Пшыгоцкая гэта першая жанчына на становішчы віцэ-прэзідэнта ад 1994 года.

Лукаш Леанюк, Радыё Рацыя, Беласток.

Фота: Anatol Chomicz