Racyja

У выніку крушэння аэробуса А321 ў наваколлі Ісламабада загінулі 152 чалавекі. Такія апошнія на дадзены момант афіцыйныя звесткі прыводзіць агенцтва Associated Press. 

Па дадзеных AFP, на месцы катастрофы знойдзены целы ўсіх загінуўшых. Іх эвакуацыя ўскладняецца ўмовамі надвор'я, адзначае Reuters. 

Інфармацыя пра пасажыраў, якія выжылі, не пацвердзілася. Раней гаварылася аб пяці (у некаторых крыніцах гучала лічба 40) выжыўшых у катастрофе людзях. Паведамляецца, што на борце знаходзіліся 146 пасажыраў і шэсць чальцоў экіпажа 

Прычына крушэння не ўсталяваная, аднак вядома, што самалёт садзіўся ва ўмовах моцнага ліўня і туману. Пры заходзе на пасадку ў аэрапорце Ісламабада самалёт урэзаўся ў гару, упаў і загарэўся. 

Лайнер ляцеў у сталіцу Пакістана з горада Карачы. Самалёт належаў мясцовай авіякампаніі Airblue. Кампанія Airbus паабяцала дапамогу ў расследаванні прычын крушэння. 

Lenta.ru. Фото AFP.