Racyja

Кандыдат у прэзідэнты на мінулых выбарах, цяпер палітуцякач Алесь Міхалевіч сустрэўся з міністрам замежных спраў Эстоніі Урмасам Паэтам.

“Гэта палітык, які здаўна цікавіцца беларускімі пытаннямі, які займае даволі ўзважаную пазіцыю адносна Беларусі, патрабуе неадкладнага вызвалення палітвязняў і спынення катаванняў у беларускіх турмах,” -- кажа Алесь Міхалевіч.

- Міністр замежных спраў Эстоніі лічыць, што ЕС павінен працягваць палітыку санкцый і палітыку вельмі жорсткага выказвання патрабаванняў па вызваленні палітвязняў і павінен працягваць дапамогу беларускай грамадзянскай супольнасці, грамадскім арганізацыям, прафсаюзам, СМІ Беларусі.

Як паведаміў Алесь Міхалевіч, на сустрэчы міністраў замежных спраў ЕС у лютым будзе разглядацца пытанне аб узмацненні жорсткасці санкцыяў адносна Беларусі.

Анна Шайкоўская, Радыё Рацыя.

Фота Радыё Рацыя