Racyja

Гэтым разам у Бібліятэцы Беларускага Радыё Рацыя ў серыі “Трансгранічныя сцежкі” выйшла другая кніга беларускага гродзенскага аўтара Віктара Сазонава “Суседскія былі” (Bajdy sasiedzkie), перакладзеная на польскую мову Марцінам Рэмбачам.

У беларускай версіі кніга друкавалася пад рэдакцыяй Яўгена Вапы на старонках тыднёвіка беларусаў Польшчы “Ніва”. Фінансавую дапамогу ў выданні кнігі аказала Маршалкоўская ўправа Падляшскага ваяводства.

Да гэтага ў “Трансгранічных сцежках” у перакладзе Марціна Рэмбача выходзілі кнігі Віктара Сазонава “Занатоўкі кантрабандыста” і Міхаіла Андрасюка “Белы Конь”. А таксама польскамоўны твор Міхаіла Андрасюка “Вагон другога класа”.

Нядаўна ў Бібліятэцы Беларускага Радыё Рацыя выйшаў у перакладзе на польскую мову і Беларускі краязнаўчы каляндар Уладзіміра Хільмановіча.

Аўтар выдадзенага зараз твора “Суседскія былі” Віктар Сазонаў дзякуе за з’яўленне польскамоўнага варыянта “Суседскіх быляў” усім, хто спрычыніўся да супрацы над ім.

harodniaspring.org